यस कार्यालयको कार्यक्षेत्र अन्तर्गत पर्ने धनकुटा तथा तेह्रथुम जिल्लामा सडक पूर्वाधारको विकास, विस्तार, निर्माण, स्तरोन्नति तथा विद्यमान सडक तथा सडक संरचनाहरूको नियमित मर्मत–सम्भार र संरक्षण गर्दै सुरक्षित, भरपर्दो तथा दिगो सडक सञ्जालको विकास गर्नु यस कार्यालयको प्रमुख दृष्टिकोण रहेको छ। सडक पहुँचबाट वञ्चित क्षेत्रहरूलाई सडक सञ्जालसँग जोड्दै स्थानीय नागरिकको आवागमनलाई सहज, सुरक्षित र सर्वसुलभ बनाउनुका साथै कृषि, पर्यटन, व्यापार, शिक्षा, स्वास्थ्य लगायतका सामाजिक तथा आर्थिक क्षेत्रहरूको समग्र विकासमा टेवा पुर्‍याउनु यस कार्यालयको उद्देश्य हो।

साथै, धनकुटा तथा तेह्रथुम जिल्लाभित्र पर्ने राष्ट्रिय राजमार्ग तथा सहायक सडकहरूको निर्माण, स्तरोन्नति, नियमित मर्मत–सम्भार, संरक्षण तथा प्रभावकारी व्यवस्थापनमार्फत सुरक्षित, व्यवस्थित र निर्बाध यातायात सञ्चालन सुनिश्चित गर्नु यस कार्यालयको मुख्य उद्देश्य रहेको छ।